細佬上星期有個BAND SHOW,都好耐無去捧佢場,於是去聽佢夾BAND。對上一次已是08年的事,與當時的他相比,今天他的技術算是進步好多,雖未叫得爐火純清,但絕對比好多時下好多所謂BAND友好好多。當晚其中一首歌是Gary Moore的All Your Love,表現相當不俗。當天都叫影左少少BAND SHOW相,感覺都叫OK啦,主要都係細佬的CLOSE UP,感覺都叫有少少型,希望佢喜歡。相片可以到"綜合作品區"欣賞。"結他"
另外,友壇的KJ朋友上來"踩場",大家都算玩得開心,友壇的壇主攪友壇的目的係為左俾自己朋友有一個聚腳地,同樣,我這間影樓都希望除左係工作室之外亦係俾喜歡攝影的自己友一個攝影聚腳地。
最後,近期熱門話題"3D肉蒲團",終於同女友睇左。有無咁多人講得咁差呢?我又唔覺。但理解咁多入場朋友點解話得咁差,原因係一個期望落差。正如該片老闆所說,在他眼中的三級片就是這樣,本人絕對認同。因為看著這套電影,除了3D外,整個構思與風格跟本就係八九十年代的三級片,唔會場場戲一下子就"埋牙",一定整套戲叫做有d劇情,唔會有極誇張的性技,一切床戲係點到即止,即使是色慾官能都係相對含蓄。入場的朋友覺得失望,係因為近這十年"四仔"氾濫成災,網上免費的成人影片隨處可見,以及只會係播放直接埋牙的片斷,"觀眾"看的是身材、樣貌、以及各種性愛體位,他們看的目的是滿足性慾需要,燃起他們的慾火,然後可能邊看邊享受那"一刻的傾瀉",這樣根本與電影的製作思想或對三級片的理解是南轅北轍,咁樣點唔會令入場的朋友出現"媽聲"四起。